გსმენია “სატარებელ გაჯეტებზე” მაგრამ არ იცი რას გულისხმობს? უბრალოდ მოირგე. “სატარებელი გაჯეტები” არის კრებითი სახელი გაჯეტებისთვის და მოიცავს – სპორტულ აღმრიცხველს(fitness trackers), ბავშვის GPS ადგილმდებარეობის დამდგენს(Baby Monitoring GPS Tracker) და ჭკვიან საათს(Smartwatch)- რაც გათვლილია დღის განმავლობაში მოხმარებისთვის.
“სატარებელი გაჯეტების” ცნობადობა ბოლო რამდენიმე წლის განმავლობაში საოცრად გაიზარდა. ძველი სახეობის საათისგან ახალი თაობის გაჯეტს გამოარჩევს არსებულ მოწყობილობებთან დაკავშირების უნარი,ისინი ახლა უფრო მრავალმხრივი არიან.
ვაჯიშობ? ან უბრალოდ ცდილობ იყო მეტად აქტიური? მაშინ ეს მოწყობილობა დაგეხმარება უკეთ აკონტროლო შენი ყოველდღიური აქტიურობა.
მას შეუძლია აღრიცხოს დღიური ნაბიჯების რაოდენობა, შენი საშუალო გულისცემა, ძილის ხანგრძლივობა და სხვა. ეს ინფორმაცია შეგიძლია გაცვალო შენს გაჯეტთან, რაც მოგცემს საშუალებას მართო შენი აქტივობა. მაგალითად: შეგიძლია, დაათვალიერო რამდენი გაიარე წინა კვირის განმავლობაში ან რამდენი კალორია დაწვი დღეში.
სპორტული აღმრიცხველი ბაზარზე გვხვდება სხვადასხვა ფორმითა და ფასით.
ყველაზე ყურადღებიანი მშობლისთვისაც კი რთულია, მუდმივად ადევნოს თვალი ბავშვის ქმედებას. ამ გაჯეტის საშუალებით კი ეს შესაძლებელი ხდება.
ინვიდუალური GPS დამდგენის საშუალებით შეგიძლია, ზუსტად იცოდე გაჯეტის ადგილმდებარეობის შესახებ.
ზოგიერთი მოდელი გაძლევს საშუალებას,რომ შემოსაზღვროთ ტერიტორია, გააკეთოთ ელექტრონული ბარიერი, გქონდეთ პირდაპირი კავშირი პატარასთან, გადაუღოთ ფოტო შორიდან, დაელაპარაკოთ ვიდეო გამოსახულებით, მოისმინოთ ხმა, გქონდეთ 4G კავშირი ან დაუკავშიროთ Wifi-ს.
ჭკვიანი საათი პატარა ჭკვიანი ტელეფონის მსგავსი მოწყობილობაა მაჯისთვის. ბევრი ჭკვიანი საათი უკავშირდება ტელეფონს და ატყობინებს მომხმარებელს შემომავალი ზარების, ე-მაილების, შეტყობინებებისა და სიახლეების შესახებ პროგრამებიდან. ზოგიერთ ჭკვიან საათს შეუძლია ზარის განხორციელება. უმეტესს აქვს ფერადი ეკრანი, მაგრამ იშვიათ, იაფფასიან მოდელს – შავ-თეთრი. მომხმარებლებს შეუძლიათ, მართონ ჭკვიანი საათი ეკრანზე შეხებით, ფიზიკური ღილაკით ან ორივეთი ერთად. ზოგიერთ მათგანს დამატებული აქვს სპორტული მთვლელის ფუნქციები, რაც გულისხმობს ნაბიჯების თვლასა და გულისცემის აღრიცხვას. ეს მომხმარებელს ეხმარება ჯამრთელობაში.