დაბრუნება და გაცვლა

საქართველოს კანონმდებლობის შესაბამისად, დისტანციურად (ონლაინ) ან სარეწის გარეთ შეძენილ ნივთზე მომხმარებელს უფლება აქვს, ყოველგვარი მიზეზის მითითების გარეშე თქვას უარი ნასყიდობაზე 14 კალენდარული დღის განმავლობაში.

ვადა აითვლება:

• ნივთის — მომხმარებლის (ან მის მიერ განსაზღვრული პირის, გარდა კურიერისა) ხელში მიღების დღიდან;
• ნაწილ-ნაწილ შეკვეთისას — ბოლო ნივთის მიღების დღიდან.

უფლების გამოსაყენებლად საკმარისია, ვადის ამოწურვამდე მოგვწერო დაბრუნების სურვილის შესახებ.

დაბრუნებული ნივთი მიიღება, თუ:

• შენარჩუნებულია სასაქონლო სახე და საწყისი შეფუთვა;
• თან ახლავს ყველა აქსესუარი, დოკუმენტი და საჩუქარი (ასეთის არსებობისას);
• თან ახლავს ჩეკი ან ინვოისი.

ნივთის გამოცდა დაშვებულია მხოლოდ იმ ზომით, რაც საჭიროა მისი მახასიათებლებისა და ფუნქციონირების შესამოწმებლად — ისე, როგორც ეს მაღაზიაში იქნებოდა შესაძლებელი.

დაბრუნების უფლება არ ვრცელდება, თუ:

• ნივთი დამზადებულია ინდივიდუალური შეკვეთით ან მორგებულია პირად საჭიროებებზე;
• დარღვეულია ჰიგიენური/ჯანმრთელობის დაცვის მიზნით ჰერმეტულად დალუქული ნივთის ლუქი (მაგ. ყურსასმენები);
• დარღვეულია დალუქული აუდიო/ვიდეო ჩანაწერის ან პროგრამული უზრუნველყოფის ლუქი;
• ციფრული შინაარსის მიწოდება დაიწყო შენი თანხმობით;
• ნივთი მალფუჭებადია ან მოკლე ვარგისობის ვადა აქვს.

დაბრუნების შესახებ შეტყობინების მიღებიდან არაუგვიანეს 14 კალენდარული დღისა Gadget დაგიბრუნებს გადახდილ სრულ თანხას, მათ შორის სტანდარტული მიწოდების ხარჯს.

• თანხა ბრუნდება იმავე გადახდის მეთოდით, რომლითაც გადაიხადე (ბარათი → ბარათზე, გადარიცხვა → ანგარიშზე);
• დამატებითი ხარჯი არ დაგეკისრება;
• თანხის დაბრუნება შესაძლოა შეჩერდეს, სანამ ნივთს არ დაგვიბრუნებ ან გაგზავნის დამადასტურებელ დოკუმენტს არ მოგვაწვდი.

ნივთის უკან დაბრუნების პირდაპირ (ტრანსპორტირების) ხარჯს ანაზღაურებს მომხმარებელი, გარდა იმ შემთხვევისა, როცა Gadget თავად იკისრებს მას.

უახლოეს ფილიალში დაბრუნება უფასოა — იხილე ფილიალები რუკაზე.

თუ გსურს ნივთის გაცვლა სხვა მოდელზე, ფერზე ან მოდიფიკაციაზე — მოგვმართე ფილიალში ან WhatsApp-ით. გაცვლა შესაძლებელია სასაქონლო სახის, შეფუთვისა და ჩეკის შენარჩუნების პირობით. ფასთა სხვაობა ანგარიშსწორდება გაცვლისას.

თუ ნივთს აღმოაჩნდა ქარხნული წუნი ან დაზიანება, მოქმედებს მწარმოებლის გარანტია — შეკეთება, შეცვლა ან თანხის დაბრუნება კანონმდებლობის შესაბამისად. საგარანტიო პირობები და შემოწმება იხილე გარანტიის გვერდზე.